The Kingis Majestie and Lordis of his Secreit Counsall, undirstanding that in all uthiris weill governit comoun welthis and countryis* the first day of the yeir beginnis yeirlie upoun the first day of Januar, comounlie callit New Yeiris Day, and that this realm onlie is different fra all uthiris* in the compt and reckoning of the yeiris, and his Majestie and Counsall willing that thair sall be na disconformitie betwix His Majestyie his realm and liegis and uthiris nichtbour countreyis* in this particular, bot that they sall conform thaimselffis to the ordour and custom observit be ally uthiris countreyis, especiallie seing the course and sesoun of the yeir is maist propir and ansuerabill thairto, and that the alteratioun thairof importis na hurt nor prejudice to onie pairtie: thairfoir His Majestie, with advice of the Lordis of his Secreit Counsall, statutis and ordainis that in all tyme coming, the first day of the yeir sall begin yeirlie upoun the first day of Januar, and thir presentis to taik executioun upoun the first day of Januar nixt to cum, quhilk sall be the first day of the M and six hundreth yeir of God . . . . . . .

* excepting, of course, England (until 1752)